ÓMAR BOGASON

Myndir

Sat, 08 Apr 2006 13:45:55 GMT

Bara að láta Hafdísi systir vita, heldur þú að ég sé ekki búinn að setja inn nokkrar myndir úr afmælinu hans Reynis um síðustu helgi, mikið afrek hjá mér ekki satt???

Slóðin er; www.123.is/bson

Annars var svo frábært að mæta, afmælið og gestgjafarnir frábærir að venju. Það er líka svo gaman að hitta stór fjölskylduna en því miður gátu ekki allir mætt að þessu sinni en við bætum það upp seinna. Urður stendur yfir mér með msnið sitt allt blikkandi og þess vegna skrifa ég bara meira seinna!

Kærar kveðjur til ykkar allra,

Ómar B.

Latur að skrifa

Fri, 31 Mar 2006 09:08:22 GMT

Bara að láta vita ef ykkur langar til að kíkja á hvað verður brallað á næstunni af lata pikkarnum á þessari síðu þá verð ég vonandi duglegur að skrifa um undirbúning golfferðar og að setja inn myndir úr ferðinni sem hefst 1. maí,slóðin er;

www.blog.central.is/golflordar

;) bless í bili!

Slappur en ekki hættur

Sat, 11 Mar 2006 22:01:05 GMT

Já, ég það er víst alveg rétt hjá Hafdís, ég er búinn að vera hálf slappur að skrifa en ekki alveg hættur!

Annars er ég alveg svakalega montinn með vinina Helga Snæ og Arnar Boga en þeir voru, þó ég segi sjálfur frá, báðir frábærir á skólaskemmtuninni hjá eldri krökkunum í grunnskólanum nú á föstudaginn. Arnar Bogi spilaði sem gestatrommari hjá eldri strákunum og fór létt með það, alveg frábær taktur hjá litla trommuleikaranum sem spilaði með eldri strákunum með Slipknot kjuðunum sínum!

Árshátíðin hjá krökkunum var hreint út sagt frábær, þau settu upp sýningu að því tilefni að í haust verða 25 ár síðan sá hörmulegi atburður gerðist að John Lennon var myrtur fyrir utan heimili sitt í New York. Sýningin og umgjörðin var svo flott:!:´ Allir, bæði kennarar og nemendur í tilheyrandi "hippa" klæðnaði og krakkarnir stóðu sig frábærlega. Helgi lék John í leikþáttum og söng lagið Imagine. Ég er alveg viss um að allir þeir sem hlustuðu á Helga Snæ syngja svo fallega og vel; "Imagine there's no countries, It isn't hard to do, Nothing to kill or die for, And no religion too, Imagine all the people, Living life in peace...", upplifðu það sama og ég, frábært kvöld með ungu fólki sem sannarlega á framtíðina fyrir sér! Æ já, væri ekki gott ef heimurinn væri eins og John heitinn Lennon óskaði sér og við hin líka!

Bless í bili e skrifa örugglega meira á morgun, en ég fékk fína meldingu í dag frá Boeing 747 Jumbo flugmanni um hversu flott og spennandi Tenerife er, en hann var þar niður frá í dag 8)

Robbi vatnssopi

Fri, 03 Mar 2006 18:04:18 GMT

Hafdís er alltaf að skamm mig fyrir að vera orðin svo latur að blogga, úff það er víst alveg rétt en ég er allavega ekki hættur bara í langri pásu......

Smellti mér í BT til að kaupa lítið útvarp en endaði með DVD hljómleikadisk með Roger Waters, in the flesh - live! Er búinn að spila nokkur vel valin hátt stillt í heimabíóinu t.d. Another Brick..., Southampton Dock, Money og að sjálsögðu Wish you were here sem mér finnst svo fallegt lag. Gamli Pink Floyd kappinn verður með hljómleika í Egilshöll 12. júní en það er engin spurning ef maður verður með löppina á landinu þá verður maður þar að sjálfsögðu. Eftir að hafa heyrt smjörþefinn þá er það alveg á hreinu að þetta er frábær diskur, hlakka til að skríða uppí í kvöld og hlusta á Shine on you crazy diamond og fleira frábært.

Urður er að gera pitsu og finnur ekki neitt, hún sem sér hvorki með augunum mínus né plús er sem sagt með 100% sjón, lána henni aðra linsuna mína! Búinn að vera í miklu stressi í dag og þess vegna ætla ég að smella mér í ræktina svona til að hreinsa út stressið og í leið að passa upp á bumban mín haldi sig á bak við magann áfram ;),

bless í bili

Barkinn

Sat, 18 Feb 2006 17:20:26 GMT

Renndum upp í Fellabæ í gærkvöldi og fórum á söngkeppni Menntaskólans á Egilsstöðum, Barkann 2006!

Ég verð nú að byrja á að hrósa Urði, Sigfríð og hinum stelpunum fyrir frábært atriði á Barkanum, ótrúlega svalar, afslappaðar og flottar!

Þetta var virkilega skemmtilegt kvöld og áberandi hvað það voru margir þátttakendur frá Seyðisfirði og úr Fellabæ. Ég held að þetta sé miklu flottara fyrirkomulag heldur en Idol þarna koma krakkarnir á eigin forsendum og eru ekki rökkuð niður af misvitrum dómurum sem get sagt hvað sem er. Það er gaman að mæta á svona kvöld, Hemmi Gunn var kynnir og stóð sig með stakri prýði söng meira segja nokkra gamla góða slagara við góðar undirtektir! Mér finnst líka ástæða til að nefna hljómsveitina sem var virkilega góð þrátt fyrir að hljómburðurinn hafi verið ansi slappur en það er ekki á allt kosið í þessu en aðalatriðið er frábært kvöld, keppendum og öðrum sem að þessu komu til mikils sóma!

PS. Svo maður gleymi nú ekki dagskrárbæklingnum sem fylgdi með hann var virkilega flottur.

Nú hafðist það ....

Sat, 18 Feb 2006 15:34:06 GMT

Já, hefur oft í gegnum tíðina verðið erfitt að vera Liverpool aðdáandi en samt náttúrulega aldrei annað komið til greina :D.

Ég man þegar ég var smá strákur, hlustandi úti í Volkswagen bjöllunni hans pabba á BBC radio 1 á beina lýsingu hjá Liverpool í skítakulda og horfði síðan á leikina viku seinna hjá Bjarni Fel. en hann sagði kannski í upphafi leiks "mér segir svo hugur að þessi leikmaður eigi eftir að skora í leiknum", það reyndist auðvitað rétt hjá honum enda skoraði sá hinn sami markið viku fyrr. Annars kemst engin þulur með tærnar þar sem Bjarni var með hælana nema kannksi púllarinn Hörður Magnússon. Leikirnar milli Liverpool og Man. Utd. hafa alltaf verið svakalegir og alltaf erfitt að vera í tapliðinu en við höfðum þetta í dag :!:, frábært Liverpool:!: Annars var Bill Shankly sem lagði grunnin af velgengni Liverpool þegar ég var smástrákur hrikalegur keppnismaður og oft sniðgur, smá dæmi: Shankly var ekki hrifin af hinu Liverpool liðinu, Everton og eitt sinn sagði hann; "það eru tvö frábær lið í Liverpool og við eigum þau bæði,það eru aðallið Liverpool og varalið Liverpool"! Einhvern tíma sagði hann líka að það væru fleiri farþegar í Everton liðinu heldur en á skemmtiferðaskipinu Queen Mary. Fyrst við vorum að tala um United þá er þetta samtal svolítið fyndið en þarna var Richard Keys, (Bjarni Fel fótboltans í Englandi) að taka viðtal við Roy Evans framkvæmdastjóra Liverpool á þeim tíma. Well Roy, do you think that you'll have to finish above Manchester United to win the league ? Roy Evans : You have to finish above everyone to win the league Richard!!!;) Gæti ekki verið meira sammála, deildin á næsta ári,........ vonandi!

En vonandi höldum við áfram á sömu braut en við skulum nú samt muna það að þrátt fyrir að þetta sé allt frábært og mikil spenna og læti þá er þetta nú samt bara fótbolti;)!!!

Klukk!

Fri, 17 Feb 2006 09:40:11 GMT

Já, hún Dagný Erla mín klukkaði mig þannig að það er ekkert annað en að vaða í þetta!

Fjögur störf sem ég hef unnið yfir ævina (gæti talið upp miklu fleiri svindla smá):

Í tækjunum í frystihúsinu á Djúpavogi þegar ég var ca. 14 ára og í pakkhúsinu í Löngubúð og í pínulitlu sjoppunni sem var á kaupfélagshæðinni ca. 15 - 17 ára.
Verslunarstjóri hjá KBF og KASK á Djúpavogi.
Skrifstofustjóri hjá Búlandstindi hf.
Lögmannsstofu J.A.Þ.J. ehf./Lögmönnum Austurlandi ehf. og núna hjá sjálfum mér, (rek mig kannski eftir hádegi enda búinn að vera að slæpast í vinnunni við að svara einhverju klukki!!) ......:!:

Fjórar myndir sem ég gæti horft á aftur og aftur:

Er frekar slappur við að horfa á bíómyndir oftar en einu sinni en fjórar (ljós)myndir sem ég horfi á aftur og aftur eru af:

Dagnýju Erlu
Urði Örnu
Helga Snæ
Arnari Boga

Fjórir staðir sem ég hef búið á:

Ási og Laufási, Djúpavogi
Borgarlandi 13 og 34 Djúpavogi
Bláskógum, Egilsstöðum
Garðarsvegi 18, Seyðisfirði

Fjórir sjónvarpsþættir sem ég fíla að horfa á:

Enski boltinn
Njósnadeildin - Spooks
Popppunkt
Spaugstofuna

Fjórir staðir sem ég hef t.d. ferðast til:

Ferðast um Noreg, Svíðþjóð og Finnlands í einni ferð
Albufeira, Portúgal
Mílanó, Ítalíu
Playa de Palma, Mallorca

Fjórar vefsíður sem ég fer inn á daglega fyrir utan blogg:

Fjórir staðir sem ég vildi frekar vera á:

Ég ætla nú að svara þessu þó svo að "heima sé best".

Á Anfield á morgun kl. 12.00 og horfa á erkifjendurna Liverpool - Man. Utd takast á.
Á einhverjum frábærum golvelli í 25 stiga hita og sól, það er allt hvítt í firðinum okkar í dag.
Að sigla á milli eyja í Karabíska hafinu á t.d. skemmtiferðaskipinu Freedom of the Seas sem er 160 þúsund tonna lúxusskip og með öllu hefðbundnu s.s. sundlaugum en ýmsu öðru óvenjulegu líka t.d. klifurvegg og skautasvelli 8).
Og síðast en ekki síst að fara í heimsókn á Djúpavog á þann frábæra fallega stað (ætla að vera duglegur að kíkja í sumar)

Fjórar manneskjur sem ég ætla að klukka:

Margréti Urði
Helga Snæ
Arnar Boga
Sveinbjörn Orra (hann fær að svara á www.blog.central.is/golflordar) þegar hann kemur í land næst.

Fúll

Wed, 15 Feb 2006 12:36:34 GMT

Ég er svo fúll yfir þessum sauðum úti í heimi sem dunda sér við að senda allavega ruglsíður inn á commentin hjá okkur. Það hlýtur að vera hægt að stoppa þetta en það virðist vera ef ekki er skrifað í nokkurn tíma, að þetta raðist inn engum til gagns. Það er í þessi skipti sem maður vildi að maður væri eldklár hakkari og gæti látið hart mæta hörðu. Annars nennir maður ekki að vera svekkja sig á þessu en ég vona að þeir sem halda úti blog.central.is nái að sía þetta frá eðlilegum skoðanskiptum á síðunum. Annars býst ég við að flestir viti það að það á alls ekki að smella á þessar síður, fer vonandi að nenna að skrifa, annars vona ég að þið öll þarna úti séuð spræk og hress, frábært að sjá Liverpool vinna Arsenal í gærkvöldi þó svo að ég hafi nú haft samúð með Nöllunum í öllum meiðslahremmingunum sem þeir eru í .

;)

Í gang

Sun, 05 Feb 2006 21:14:33 GMT

Já, ætla ég bráðum að fara að vera duglegur að skrifa, en ég er auðvitað duglegri að skrifa inn á www.blog.central.is/golflordar . Annars þoldi ég ekki að sjá einhver junk tölvupóst raðast inn á athugasemdir hjá mér. Hvað er að þessu ruglaða liði sem notar ólíklegustu síður til að koma einhverju rugli á framfæri, maður fær ekki einu sinni að rugla í friði á einhverri blogg síðu hér á Íslandi. Ég eyddi síðustu færslu hjá mér en hvort það dugar veit ég ekki en kannski á maður ekki að vera að stressa sig á þessu. Annars var umræðu efnið yfir hryggnum í kvöld (hrikalega var hann góður) koma sjónvarpsins. Mikið svakalega er maður að verða gamall, farin að fá gráa skeggbrodda (sem mér finnst flott fer kannski að safna) og farin að rifja upp upphafsdaga sjónvarpsins. Held að ég hafi verið sjö ára þegar ég sat með krosslagða fætur í stofunni í Laufási og horfði á snjókomu koma út um gler á stofumublu sem hægt var að draga fyrir en allt í einu kom á skjáinn óskýr svarthvít mynd, það er eins og gerst hafi í gær, eða kannski frekar fyrradag! Jæja, nú er mér farið að verkja bæði í báða pikkputtana og því tími til að kveðja!

;)

Framhaldssaga helgarinnar ...

Fri, 18 Nov 2005 20:29:23 GMT

Það er allt í rúst á Garðarsvegi 18 enda verið að setja nýja eldhúsinnréttingu með tilheyrandi raski, eldhúsborðið komið í stofuna og föstudagskjúllinn borðaður yfir Kastljósinu, fínt mál auðvitað!

Annars datt mér saga í hug (Hallur vinur minn Ásgeirs er skátadrengur í sínum sögum miðað við þessa), þar sem ég sat og nartaði í kjúklinginn þá voru þeir Siggi Sigurjóns og Auddi að segja frá einleiknum Tippatal, þar sem Auddi fer víst á kostum, smá lífsreynslu saga sem ég af mínu "tippatali" frá Djúpavogi. Í viðtalinu við Audda og Sigga kom fram að hvorugur þeirra hafi heimsótt Hið Íslenska reðursafn eða HÍR sem er rismikið og merkilegt safn í Reykjavík sem ég er að sjálfsögðu HEIÐURSFÉLAGI í (alveg satt á meira segja skjal og orðu, en skjalið hefst svona, "Hið íslenska reðursafn gjörir kunnugt")!! Í einleiknum er vitnað í þetta merkilega safn sem þeir báðir ætla að heimsækja eins fljótt og kostur er. Hvers vegna ég er félagi þar segi ég frá í nokkrum köflum en geta má hver sem vill :haha:.....

:^) framhald á morgun.......

The Eagles í Glasgow, Hampden Park, 23. júní 2006

Wed, 16 Nov 2005 16:33:04 GMT

Svaklega er ég sæll með undirtektirnar með Eagles tónleikana, þetta yrði alveg frábært! Þetta er framhald tónleikana í Bandaríkjunum sem Magga, Dagný og Urður fóru á, þ.e. Farewell Tour 1. Ég er þegar, svona til öryggis búinn að bóka 2 miða en mér sýnist á öllu að við munum amk. þurfa helminginn af öllum miðunum enda mörg og miðarnir ekki nema 35 - 40 þúsund, á ég að panta meira!!!!!

;)

Köben í nóvember - THE EAGLES í Glasgow 23.júní 2006

Tue, 15 Nov 2005 20:14:27 GMT

Setti inn fáeinar myndir frá Köben, þurfti auðvitað að velja þær þar sem jólaölið Carls Jul og Tuwho Jul voru ekki of áberandi.

Annars var ótrúlegt að upplifa alla ljósadýrðina í Tívolí. Ég setti inn fáeinar myndir úr ferðinni m.a. af skreytingunum sem þar voru en það var erfitt að ná þessu almenninga þvílíkt var "sjófið". Það var svakalega flott leisergeisla sýning um kvöldið sem erfitt er að lýsa þar sem fór saman tónlist og ljós.

Það er auðvitað líka myndir af kvöldverðum alls konar, fórum á Ítalskan stað og svo auðvitað á Jensens sem Dagný Erla heldur upp á. Annars er Kaupmannahöfn virkilega skemmtileg á þessum tíma, jólastemmingin í Tívolí er alveg mögnuð og ilmurinn af ristuðum möndlum svífur um loftið.

En mikið var ég glaður yfir tölvupóstinum sem poppaði inn þegar ég kom heim. Mig hefur lengi dreymt um að fara á tónleika með The Eagles, http://www.eaglesband.com/ og hlusta á Hotel California, Lyin Eyes, Tequila Sunrise og fleiri lög með hljómsveitinni sem ég hef haldið upp á frá því 1973 (já, ég byrjaði að hlusta á þá hrikalega ungur ;) ). Þeir félagar, Joe Walsh, Don Henley Timothy B. Smith og Glenn Frey og snillingarnir með þeim munu spila næsta sumar í Evrópu og nú er ekkert annað að gera en að drífa sig, hverjir koma með????????? - ég fer allavega, hvað sem hver segir :D

Vááááá´!!!!!!!!!!

Wed, 02 Nov 2005 20:40:24 GMT

Já, váááááá! - þúsundasti gesturinn er að detta inn á síðuna hjá mér, það verða að sjálfsögðu STÓRGLÆSILEG VERÐLAUN fyrir þann sem nær þeim stórmerkilega áfanga þ.e. ef hann/hún skrá sig í gestabókina! Annars er nú líklegast að ég sjálfur ná þeim áfanga en það er sjálfsagt allt í lagi að krúsa einn í Karabískahafinu, 8)........!!!!

Annars er ég alveg hættur að skilja markaleysi gamla Neista sentersins Gulla B. Ég lánaði honum meira að segja þessa líka fínu skó sem hafa í nokkuð mörg skipti rennt boltanum fram hjá Einari Braga, Hjalta, Banks og fleiri góðum markvörðum (Einar Bragi er reyndar senter líka en fer í markið þegar Gulli er frammi) en hvað gerist? Gulli finnur bara ekki netmöskvana en það kemur....., örugglega ......, einhvern tíma ;), annars munaði oft píínulitlu í kvöld og af hverju ekki að rifja upp gamlan markaleik þar sem Gulli skoraði tvö .........

...... ég ætla að rifja upp fínan fótboltaleik sem við spiluðum með Neista Djúpavogi í Neskaupstað. Ég man ekki hvaða ár þetta var en við spiluðum það sumar fjórir bræðurnir með Neista, Raggi, Ágúst, Gulli og ég. Við höfðum verið að sperra okkur upp í það að reyna að ná því að skora allir í sama leiknum. Raggi var búinn að vera iðinn við markaskorun og við Gulli búnir að læða inn einhverjum en ég held að Ágúst hafi ekki verið búinn að pota inn marki þegar leikurinn fór fram en ætlaði nú samt aldeilis ekki að klikka þegar á þyrfti að halda (hann var kletturinn í vörninni hjá Neista þessi ár). Hefst svo leikurinn og þegar nokkuð er liðið á leikinn þá er staðan orðinn 4 - 2 fyrir okkur og við Gulli(já, hann getur þetta) búnir að skora 2 mörk hvor! Um miðjan síðari hálfleik fáum við síðan víti og fær Raggi það hlutverk að taka það enda góð vítaskytta. Hann tekur þetta líka fína víti sem markvörðurinn ver með tilþrifum, boltinn út í teig en þar kemur Ágúst vaðandi fram fyrir Ragga alveg að farast úr markagræðgi og þrumar honum inn :haha:. Í Mogganum daginn eftir kom stór feitletruð fyrirsögn á íþróttasíðunni; BRÆÐUR FYRIR AUSTAN KOMA MIKIÐ VIÐ SÖGU! Við unnum leikinn 5 - 2 en við vorum samt ekki fullkomlega ánægðir það vantaði eitt mark en Raggi var að þessu sinni góður við litla bróður sinn Ágúst ...., svona var nú fótboltinn í denn ...

Annars er Dagný Erla að verða þó nokkuð fræg en í blaðinu í dag (Mogganum að sjálfsögðu) eru myndir af ýmsu frægu fólki, Eið Smára, Karli Bretaprins og Dagnýju Erlu . En svona í alvöru þá er gaman að lesa greinina í blaðinu í dag þar sem fjallað er um Íþróttaakademíuna í Reykjanesbæ en þar er m.a. viðtal og myndir af fjórum nemendum og einn af þeim er hún Dagný Erla mín, þú stendur þig vel!

Jæja en nú er það slökun eftir fínan fótbolta en svo ég segi nú alveg satt þá var ég ferlega lélegur í fótboltanum í kvöld en ég geri ráð fyrir að það gerist ekki aftur á þessari öld, kveð ykkur hæverskur að venju .....8|

Fjör í fótbolta .....

Sat, 29 Oct 2005 14:36:20 GMT

Nú erum við eldsprækir í innanhússfótbolta og hinir ólíklegustu menn farnir að draga fram skóna. Gulli bróðir er hættur að reykja og er búinn að mæta sprækur í "old boys" fótbota í þrjú skipti. Hann byrjaði frekar rólega, var í marki á fystu æfingunni en er í rólegheitum að færa sig framar á völlinn og í gærkvöld var hann orðinn framsækinn sóknarmaður. Einar Bragi og fleiri öflugir markmenn urðu í nokkur skipti að taka á honum stóra sínum en menn höfðu orð á því að við bræður hefðum verið iðnir við að skora á æfingunni í gærkvöld en við skorðum að ég held ein 12 mörk. Þess ber þó að geta að Gulli gamli "senterinn" á enn eftir að brjóta ísinn í markaskorun en það kemur örugglega á næstu æfingu en eins og áður segir þá skoruðum við bræður 12 mörk í gærkvöldi;)....... En nú er bara að vona að mörkin hjá Liverpool og Gulla komi á færibandi næstu vikurnar, en svona í alvöru þá er fótboltinn frábær nú þegar ekki er hægt að berja litlu kúluna inni á golfvelli!

Bless í bili ......

Snjór, snjór, snjór .....

Fri, 28 Oct 2005 17:28:08 GMT

Já, það snjóar nokkuð hressilega í firðinum í dag en þetta er sjálfsagt ekki mikið á Seyðfirskan mælikvarða .....

Það er svolítið gaman að rifja upp hvernig það var á Djúpavogi þegar við systkynin vorum lítil. Fyrir ofan æskuheimilið Laufás er þó nokkuð mikil brekka sem var að sjálfsögðu svakalega löng og brött þegar ég var svona um 9 - 10 ára. Á Djúpavogi snjóar venjulega ekki mikið og það var hátíð hjá okkur þegar við gátum farið að stökkva ofan af klettunum og í snjóskaflana fyrir neðan. Á þessum tíma eignuðumst við stutt plastskíði en á þeim húrruðum við niður brekkurnar en endamarkið var ekkert sérstaklega vinsælt hjá mömmu :S. Það kom fyrir þegar færið var einstaklega gott og erfitt að bremsa að við stálumst til að opna þvotthúsdyrnar, bjuggum til lendingarpúða úr þvottinum og fleiru á gólfinu í þvottahúsinu og létum okkur vaða inn um þær og enduðum síðan inni á miðju gólfi á skíðunum, við skiljum ekki í dag hvað börnin geta verið óþæg við vorum alltaf svo stillir og prúðir drengir 8).

Annars voru klettarnir umhverfis Laufás leikvöllurinn okkar þ.e. þegar við vorum ekki drullugir upp fyrir haus í fótbolta eða einhverjum öðrum leikjum. Í klettunum sigum við og sprönguðum, hjuggum vegi í þá fyrir Matchbox bílana okkar, fórum í bófaleik og byggðum meira að segja kofa úr grjóti og timbri í þeim. Ég man samt ekki eftir því að við meiddum okkur eitthvað mikið, en Gísli fékk einhvern tíma gott gat á hnakkann eftir misheppnað klifur upp brattann. Ég enda þetta núna en er ekki enn orðinn nægjanlega gamall til að tala um gamla daga, þetta var nú bara á síðustu öld eða um 1970 .....

Bless í bili ...